Seðlabankinn fyrir hönd Lánamála ríkisins hafa skráð rafrænt víxil hjá Verðbréfamiðstöð Íslands sem skráður er í Kauphöll (Nasdaq Nordic Iceland) og er með fyrsta viðskiptadag 1. júní n.k.

Landsbankinn hefur gert aðildarsamning við Verðbréfamiðstöð Íslands, en samningur þessi er mikilvægur áfangi fyrir félagið.

Verðbréfamiðstöð Íslands („VBM“) hefur rafrænt skráð fyrsta víxilinn í Kauphöll (Nasdaq Nordic Iceland) en VBM er nú tilbúið til að veita alla þjónustu við óskráðar og skráðar skuldabréfa- og víxlaútgáfur. Það var víxill Íslandsbanka, ISB 21 1213 sem var sá fyrsti til að vera skráður í Kauphöll en áður hefur VBM tekið sjóði og óskráð bréf í rafræna skráningu.  

Verðbréfamiðstöð Íslands („VBM“) hefur tengst nýju Millibankakerfi Seðlabanka Íslands og getur nú veitt fulla þjónustu með uppgjör rafrænna verðbréfa. Þar með hafa skapast forsendur fyrir samkeppni.

Seðlabanki Íslands hefur gert aðildarsamning við Verðbréfamiðstöð Íslands, en samningur þessi er mikilvægur áfangi fyrir félagið.

Verðbréfamiðstöð Íslands hf., hefur flutt starfsemi sína í nýtt húsnæði að Fiskislóð 31, 101 Reykjavík.

Stjórn hefur ráðið Erlu Hrönn Aðalgeirsdóttur sem framkvæmdastjóra og hefur hún nú þegar tekið til starfa. Erla Hrönn er Cand.Oecon, viðskiptafræðingur frá Háskóla Íslans og með próf í verðbréfaviðskiptum og hefur starfað í tæplega 20 ár í fjármálageiranum. Einar Sigurjónsson mun áfram starfa hjá félaginu sem sérfræðingur.

Þann 21. október 2017 fékk Verðbréfamiðstöð Íslands hf. starfsleyfi sem verðbréfamiðstöð frá Fjármála- og efnahagsráðherra. Allar helstu upplýsingar um félagið er að finna á þessum vef, en stefnt er á að formleg starfsemi skv. starfsleyfinu hefjist á fyrsta ársfjórðungi 2018.