Við mótum framtíð verðbréfaskráningar

Verðbréfamiðstöð Íslands (VBM) er lykilaðili í fjármálainnviðum á Íslandi sem annast rafræna skráningu, vörslu og uppgjör verðbréfa í öruggu og miðlægu kerfi sem hýst er á Íslandi. 

Öruggur kostur við skráningu verðbréfa

Við hjá VBM þjónustum og styðjum útgefendur og fjárfesta með öruggri rafrænni eignarskráningu verðbréfa, hvort sem um ræðir hlutabréf, skuldabréf, víxla eða hlutdeildarskírteini og hvort sem verðbréfin eru skráð í kauphöll eða ekki. 

Við leggjum áherslu á skilvirka og örugga ferla samhliða sveigjanleika í þjónustu við fjárfesta og eigendur verðbréfa.

Traustur og óháður valkostur

VBM hefur frá stofnun lagt áherslu á að vera óháður og skilvirkur valkostur fyrir fjárfesta og eigendur verðbréfa. Hlutverk okkar er að annast örugga skráningu, vörslu og uppgjör rafrænna verðbréfa. Það þýðir að þú getur treyst á einfalt og skilvirkt kerfi sem hentar þínum rekstri og útgáfu.

Þjónusta

Lykilaðili á fjármálamarkaði

VBM gegnir lykilhlutverki í fjármálainnviðum landsins. Við sjáum um örugga og skilvirka framkvæmda uppgjöra fyrir þátttakendur í uppgjörskerfi VBM, hvort sem um er að ræða viðskipti á skipulögðum markaði eða utan hans. Með öflugu uppgjörskerfi og samningi við Seðlabanka Íslands tryggjum við að hver einasta skráning gangi hratt og örugglega fyrir sig.

Við önnumst framkvæmd verðbréfauppgjöra samkvæmt viðskiptafyrirmælum frá viðskiptavinum okkar sem tengdir eru við kerfi VBM.